Мадриднинг "Атлетико" клуби Ла лиганинг ушбу мавсумида ўтказган 14та учрашувнинг ярмида дуранг қайд этди. Диего Симеоне шогирдлари мавсум кашфиёти бўлиб турган "Гранада"га қарши ўйинда 2 очко йўқотишди.

Баҳс давомида кичик устунлик мадридликлар томонида бўлди. 60-дақиқада Эрреранинг узатмасидан кейин "Матрасчилар"нинг чап қанот ҳимоячиси дарвозабон билан яккама-якка вазиятга чиқди ва ўткир бурчак остида тўпни посбоннинг оёқлари орасидан ўтказиб, ҳисобни очди.

Орадан атига 7 дақиқа ўтиб мезбонлар бурчак зарбасидан сўнг ҳисобни тенглаштиришди. Херман Санчеснинг бош билан зарба беришига "Атлетико" футболчилари халал беришмади.

Сўнгги дақиқаларда мадридликлар ғалабани илиб кетишлари мумкин эди, аммо улар имкониятлардан фойдалана олишмади.

Ушбу дурангдан сўнг "Атлетико"нинг очколари 25тага, "Гранада"ники эса 21тага етди.

Испания Ла лигаси, 14-тур
Гранада – Атлетико 1:1 (0:0, 1:1)
Голлар: 0:1 – 60 Лоди, 1:1 – 67 Херман Санчес.
Гранада – Руй Силва, Кини, Диас, Херман Санчес (Мартинес, 71), Дуарте, Гоналон, Вадильо (Мачис, 65), Пуэртас, Азиз (Фернандес, 62), Монторо, Сольдадо.
Атлетико – Облак, Лоди, Триппьер, Эрмосо, Фелипе, Витоло (Поведа, 83), Льоренте (Жоау Феликс, 75), Коке, Эррера, Корреа (Лемар, 55), Мората.
Огоҳлантиришлар: Корреа (28), Сольдадо (31), Фелипе (39), Монторо (43), Пуэртас (54), Гоналон (63), Льоренте (66).