Сўнгги пайтларга келиб гранд клублар трансферлар учун фантастик сумма сарфлашаётгани одий холатга айланиб бўлди. Энг қизиғИ шундаки, эндиликда клублар иқтидорли фуболчи учун курашда клублар бир-биридан ўзиб кетиш мақсадида ҳам футболчининг трансфер қийматини кўтаришмоқда. Энг ачинарлиси шундаки, ана шуднай трансферларнинг аксарияти омадсиз чиқмоқда ва иқтидорли футболчиларга заҳира ўриндиғидан ҳам жой топилмаяпти. Бугун ана шундай иқтидорли футболчиларни эслаб ўтамиз.
Райн Сессеньон – «Тоттнҳем»
Ўтган мавсумда «Фулҳем» клубидаги ўйинлари билан барчани ҳайратда қолдирган қаҳрамонимиз нафақат клубининг, балки бутун Англядаги энг иқтидорли футболчилардан бири деб эътироф этилган эди. Чап қанотда исталган позицияда тўп сура оладиган универсал ўйинчи «Тоттенҳем» клубига ўтдию, мухлислар радаридан тушиб қолди. Тўғри, Райн Лондон клубига жароҳат билан келди ва тикланиш учун узоқ вақт сарфлади. Мана энди-энди асосий таркибда кўриниш бераётганида эса, клуб постига Жозе Моурино келди. Ҳозирда «беназир» учун янги иқтидорларга имконият берадиган кайфиятда эмас. У жамоани қандай қилиб бўлсада, ўз ўрнига қайтариш иштиёқида ёнмоқда. Шундай экан, Райн Сессенионнинг ёрқин келажаги бироз ҳавф остида қолмоқда. Лондон клуби уни сотиб юбормаса, Моур «кўмиб юборган» юлдузлар сони яна битага кўпайиши ҳеч гап эмас.
Мойзе Кин - «Эвертон»
Бундан бир йил илгари «Ювентус» ва Италия терма жамоалари сафида голлар киритиб барчанинг эътибор марказида турган Мойзе Кин ҳозирда кўплаб мухлисларнинг ёдидан кўтарилиб қолгани аниқ. Ажойиб мавсумдан сўнг, «Ювентус» билан узоқ йиллик шартнома имзолаш ўрнига «Эвертон»га 27 миллион евро эвазига йўл олган ҳужумчининг ишлари ҳавас қиларли даражада эмас. Ҳужумчи Ливерпул шахрига кўчиб ўтгач, ўзининг тўпурарлик қобилиятини йўқотиб қўйди. Клуб устози Маркос Силва эса, ўз-ўзидан уни четга суриб ташлади. Ҳозирда клуб унинг ўйини яхшиланишини кутадиган аҳволда эмас. Шу сабаб Кин қишки трансферлар чоғида ортга қайтмоқчи эканлигини агенти Мино Раёла томонидан эълон қилди. Ҳозирда унинг ҳизматларига «Рома» ва «Наполи» клублари қизиқиш билдирмоқда.
Исмаил Сарр – «Уотфурд»
Ўтган мавсумда АПЛда 11-ўринни банд қилган ва ўз тарихида иккинчи бор кубог баҳсларининг финалига қадар етиб борган «Уотфурд»нинг иштахаси очилиб кетди шекили, янги мавсум олдидан ёш иқтидор эгаси учун 30 миллион евродан воз кечиб юборди. Ўйин услуби Никола Пепени эслатиб юборувчи футболчи «Уотфурд» томонидан харид қилингач, бутун мавсум давомида атиги 5 бор майдонга тушди ва ўша учрашувларнинг иккитасида заҳирага олинди. Энг қизиғИ шундаки, ўнг қанот ҳужумчиси сифатида ҳарид қилинган Исмаилни клуб мураббийлари марказий ҳужумда синаб кўрмоқда. Ўринли савол пайдо бўлади. «Уотфурд» Саррни ўзи нега ҳарид қилди? Ўйин амалиёти тақдим этилмаса, ўз позициясида тўп суришга имкон берилмаса, унда 30 миллионга футболчи ҳарид қилишнинг нима хожати бор эди? Тушунарсиз трансфер…
Малком – «Зенит»
Ёзда РПЛнинг энг қиммат трансферига айланганча «Барселона»дан «Зенит»га ўтган бразилиялик футболчидан питерликларнинг умиди жуда катта эди. Аслида Малкомдан ЕЧЛда фойдаланиш асосий мақсад эди, бироқ барчаси ўзгача кўриниш олди. Ўзининг илк тўлиқ ўтказган ўйинида жиддий жароҳат олган футболчи Баҳорга қадар садан чиқди. Бу «Зенит» учун деарли 40 миллионлик футболчини бой беришдек бир гап. Катта эҳтимол билан «Зенит» баҳоргача ЕЧЛ баҳсларидан чиқиб кетади. Ички чемпионат ўйинларидаги ғолиблик учун 40 миллионлик трансфер шарт эмас эди. «Зенит» ўзи шундоқ ҳам мусобақанинг энг қудратли жамоаси эканлиги ҳеч кимга сир эмас.
Лука Йович
Ушбу мавсумда ҳавога учирилган энг катта пул Лука Ёвичнинг трансфери учун ишлатилган пуллар бўлди десак, адашамган бўламиз. Ўтган мавсумда «Айнтархт» клубида порлаган футболчи учун кўплаб жамоалар кураш олиб борган бўлсада, Флорентина Перез барчадан ўзиб кетишга қарор қилди ва ўйлаб ўтирмасдан ҳужумчини ҳарид қилди. Афсуски, Зидан Мбаппени «Реал»да кўришни истаган эди. Вазият тубдан ўзгариб кетгач Зидан Ёвични тўлиқ четга суриб ташлади ва яна Бенземани асосий ҳужумчига айлантириб қўйди. 60 миллион евро эвазига ҳарид қилинган футболчи шу кунга қадар атиги бир дона тўлиқ ўйин ўтказгани жуда кулгули. Бундан ташқари, унинг ҳизматларига Зидан умуман қизиқаётгани йўқ. Катта эҳтимол билан футбочини тез орада узоқ йиллик ижарада тўп суриш кутмоқда.
