Тожикистонда бўлиб ўтган “CAFA U-23 Women’s Championship-2019” мусобақаси бугун ўз ниҳоясига етди.

Унда муддатидан аввал чемпионлик масаласини ҳал қилган Ўзбекистон аёллар олимпия терма жамоаси бугун охирги ўйинини Тожикистонга қарши ўтказди.  Қизиқарли тарзда кечган баҳсда футболчи қизларимиз рақибалари дарвозасига жавобсиз 3 та гол киритишга муваффақ бўлишди.

Шу тариқа мусобақадаги барча учрашувларни ўз фойдасига ҳал этган терма жамоамиз чемпион номига сазовор бўлди. Баҳром Норсафаров шогирдлари 5та ўйинда рақиблар дарвозасига 29та гол уриб, ўз дарвозаси дахлсизлигини сақлаб қолди.

CAFA U-23 Women’s Championship-2019
28 ноябрь (пайшанба)
Тожикистон – Ўзбекистон 0:3
Голлар:  Дилдора Нозимова (2), Умида Зоирова (8), Нилуфар Қудратова (32).