Суперлиганинг сўнгги туридан ўрин олган интригага бой учрашув Тошкентда «Бунёдкор» ва «Сўғдиёна» жамоалари ўртасида бўлиб ўтди.

Жиззахликлар чемпионатни 3-ўринда якунлаш учун бугун ғалаба қозонишлари керак эди. Абрамов шогирдларини дуранг натижа ҳам қаноатлантирар эди. Биринчи бўлим сўнгида Қобилов мезбонларни ҳисобда олдинга олиб чиққан бўлса, 61-дақиқасида Тўхтасинов кучли зарба билан ҳисобдаги фарқни иккитага оширди.

"Сўғдиёна" эса тезда ўйинга қайтди ва орадан 1 дақиқа ўтиб ҳисобни тенглаштирди. Норхонов ўнг қанотдан жарима майдонига кириб, дарвоза олдига узатма берди. Тўп Қобиловга тегиб, тўрга бориб тушди. Ўйин тугашига 15 дақиқа қолганида Махарадзе ҳисобни тенглаштиришга муваффақ бўлди.

Қолган дақиқаларда Улуғбек Бақоев шогирдлари ғалаба учун ҳаракат қилишди, аммо "қалдирғочлар" бошқа хатога йўл қўйишмади ва ўзлари учун керакли натижани сақлаб қолишди.

Натижада "Бунёдкор" 43 очко билан ўз тарихида биринчи марта бронза медалини қўлга киритди. Шунингдек, жамоа келаси мавсумда Осиё чемпионлар лигасини плей-офф босқичидан бошлайди.

Сoca Cola Cуперлига. 26-тур
«БУНЁДКОР» – «СЎҒДИЁНА» - 2:2
Голлар: Исломжон Қобилов, 41 - 1:0. Нурилло Тўхтасинов, 60 - 2:0. Исломжон Қобилов, 62-ўз дарвозасига - 2:1. Кахи Махарадзе, 75 - 2:2.