Собиқ футболчи Хаби Алонсо Европада фаолияти кўрсатаётган бир қатор мураббийларнинг ишларига баҳо берди.
L'Equipe нашрига берган интервьюсида Хаби Алонсо топ мураббийлар нималари билан ажралиб туриши ҳақида гапириб берди.
"Моуриньо шунчаки ўйинни қойилмақом тарзда ўқийди. У майдонда юзага келган вазиятга ажойиб тарзда ёндоша олади", — деди Алонсо.
"Футболни ҳеч ким Гвардиоладигек тушуна олмайди. У жуда ақлли, турли чемпионат ва клубларни ажрата олади. У билан футбол ҳақида суҳбатлашсангиз жуда кўплаб қизиқарли нарсалар ҳақида эшитамиз".
"Юрген Клоппнинг ақлбовар қилмас харизмаси бор. Ҳар бир учрашув якунида у футболчилар билан қандай муносабатда эканлигини кўрасиз. У футболчилар билан қандай муносабатда бўлишни жуда яхши билади".
Шунингдек, Алонсо Зинедин Зидан ҳақида алоҳида фикр билдирди.
"Зидан – ғайриоддий намуна. Бошқаларга ҳурмат сақлаган ҳолда айтаманки, Зидан умуман бошқа савияда. Икки ярим йил мобайнида учта ЕЧЛни қўлга киритиш...Ҳаммаси жуда тез амалга ошганди", — деди Алонсо.