Sobiq futbolchi Xabi Alonso Yevropada faoliyati ko‘rsatayotgan bir qator murabbiylarning ishlariga baho berdi.
L'Equipe nashriga bergan intervyusida Xabi Alonso top murabbiylar nimalari bilan ajralib turishi haqida gapirib berdi.
"Mourinyo shunchaki o‘yinni qoyilmaqom tarzda o‘qiydi. U maydonda yuzaga kelgan vaziyatga ajoyib tarzda yondosha oladi", — dedi Alonso.
"Futbolni hech kim Gvardioladigek tushuna olmaydi. U juda aqlli, turli chempionat va klublarni ajrata oladi. U bilan futbol haqida suhbatlashsangiz juda ko‘plab qiziqarli narsalar haqida eshitamiz".
"Yurgen Kloppning aqlbovar qilmas xarizmasi bor. Har bir uchrashuv yakunida u futbolchilar bilan qanday munosabatda ekanligini ko‘rasiz. U futbolchilar bilan qanday munosabatda bo‘lishni juda yaxshi biladi".
Shuningdek, Alonso Zinedin Zidan haqida alohida fikr bildirdi.
"Zidan – g‘ayrioddiy namuna. Boshqalarga hurmat saqlagan holda aytamanki, Zidan umuman boshqa saviyada. Ikki yarim yil mobaynida uchta YECHLni qo‘lga kiritish...Hammasi juda tez amalga oshgandi", — dedi Alonso.
