«Барселона» ҳужумчиси Лионель Месси «Олтин тўп»-2019ни қўлга киритди.

Ушбу соврин ташкил этилганидан буён «Барса» футболчилари 12-марта совринга эга чиқишди. Шундай қилиб, «кўк-анорранглилар» бу борада «Реал»ни ортда қолдирган ҳолда энг муваффақиятли жамоага айланди. "Олтин тўп" "Қироллик клуби" футболчиларига 11 марта насиб этди.

«Барселона» сафида бу совринни Луис Суарес (1960), Йохан Кройфф (1973, 1974), Христо Стоичков (1994), Ривалдо (1999), Роналдиньо (2005) ва Лионель Месси (2009, 2010, 2011, 2012, 2015, 2019) ютиб олишган.

Таъкидлаш лозимки, Йохан Кройфф 1973 йилнинг ёзида «Аякс»дан «Барселона»га ўтиб, шу йилнинг 25 декабрь куни совринни қабул қилиб олган.

«Реал» таркибида эса «Олтин тўп»ни Альфредо Ди Стефано (1957, 1959), Раймон Копа (1958), Луиш Фигу (2000), Роналдо (2002), Фабио Каннаваро (2006), Криштиану Роналду (2013, 2014, 2016, 2017) ва Лука Модрич (2018) олишган.

Фигу, Роналдо ва Каннаваро ҳам "Реал"га ўтган йили йилнинг энг яхши футболчиси деб топилишган.