Москванинг ЦСКА клуби президенти Евгений Гинер Россия Футбол Иттифоқи “Ҳакамлар ва назоратчи департаменти” раҳбари Александр Егоровни кескин танқид остига олди.
"Жаноб Егоров — тугаган қаллоб. У ерда нималар рўй бераётганини тушунмайман, лекин бу тартибсизлик. Агар Егоров эгаллаб турган лавозимидан озод қилинмаса биз Россия чемпионати савиясини кўтара олмаймиз ва Европа ҳамда Жаҳон чемпионтларида ўйнай олмаймиз. Уни эгаллаб турган лавозимидан озод қилишдан кўра, уни отиб ташлаган афзал. Унгача биз ҳеч нарсани ўзгартирмаймиз.
Ашот Хачатурянц амалга ошираётган ислоҳот ҳамма нарса яхши бўлишига ишонч ҳосил қилмоқда. Бироқ, булар амалга ошиши учун юқоридаги айтган гапларимни амалга ошириш керак.
Биз Дюков билан ҳакамлар борасида суҳбат уюштирдик, бу суҳбат жуда самарали ўтди. Биз барчасини муҳокама қилдик. Аммо, ҳали Хачатурянц бошқарувни ўз қўлига олмагунча Егоров бошқараётган пайтда нима рўй берса бермоқда. Унинг қилиқларини бутун мамлакат кўрди", — деди Гинер Sport24 сайтига берган интервьюсида.