Профессионал бокснинг супер енгил (-63,5 кг) вазн тоифасида рингга чиқадиган Фазлиддин Ғоибназаров (7-1, 4 КО) узоқ танаффусдан сўнг рингга қайтаётгани ҳақида хабар бериб ўтгандик.

GoSport.uz манбаларига маълум бўлишича, Ғоибназаров ўзининг 9-жангини 16 декабрь куни Қозоғистоннинг Алмати шаҳрида бўлиб ўтадиган бокс оқшомида ўтказади. Шу куни унга мексикалик профессионал боксда 43та жанг ўтказган Хавьер Меркадо (26-15-2, 23 КО) рақибли қилади. Жанг 8 раунддан иборат рейтинг жанги бўлади. Мазкур бокс оқшоми MTK Kazakhstan промоутерлик компанияси томонидан ташкиллаштирилмоқда.

Эслатиб ўтамиз, Ғоибназаров сўнгги марта 11 май куни Майкал Фоксга (21-1, 5 КО) қарши рингга чиқиб, очколар ҳисобига кўра, мағлубиятга учраганди. Шундан сўнг у АҚШдан Ўзбекистонга қайтиб келган. Ҳозирча унинг қачон Америкага қайтиб бориши маълум эмас.