“Манчестер Сити” клуби бош мураббийи Хосеп Гвардиола мавсум сўнггида “шахарликлар”ни тарк этиши мумкин. Мураббийнинг шартномасида 2020 йил якунида шартномани бекор қилиш банди мавжуд.

The Times нашрининг хабарига кўра, агар Пеп жамоани тарк этишни хоҳласа, у 12 ой олдин ўз ўрнини бўшатиши керак.

Манбанинг хабарига кўра, айни дамда “Манчестер Сити” раҳбарияти мураббий билан хайрлашмоқчи эмас.

Эслатиб ўтамиз, Пеп “Манчестер Сити”даги 4-мавсумни ўтказмоқда. У “шахарликлар” билан қаторасига икки марта Англия чемпионати ғолибига айланган.