“Manchester Siti” klubi bosh murabbiyi Xosep Gvardiola mavsum so‘nggida “shaxarliklar”ni tark etishi mumkin. Murabbiyning shartnomasida 2020 yil yakunida shartnomani bekor qilish bandi mavjud.

The Times nashrining xabariga ko‘ra, agar Pep jamoani tark etishni xohlasa, u 12 oy oldin o‘z o‘rnini bo‘shatishi kerak.

Manbaning xabariga ko‘ra, ayni damda “Manchester Siti” rahbariyati murabbiy bilan xayrlashmoqchi emas.

Eslatib o‘tamiz, Pep “Manchester Siti”dagi 4-mavsumni o‘tkazmoqda. U “shaxarliklar” bilan qatorasiga ikki marta Angliya chempionati g‘olibiga aylangan.