Шу кунларда "Навбаҳор" клубида мураббий ўзгариши борасида хабарлар кўпайди. Бунга сабаб жамоанинг натижаларидир. Шу боис Андрей Канчельскиснинг эгаллаб турган курсиси анча қимирлаб қолганди. Агар россиялик мураббий лавозимини тарк этадиган бўлса, унинг ўрнига номзод сифатида Рўзиқул Бердиев кўрилаётганди.
SPORTS.uz сайтига маълум бўлишича, "Навбаҳор" клуби вакиллари "Насаф" устози Рўзиқул Бердиев билан оғзаки келишувга эришишган. Агар "Насаф"даги имкониятлар кенгаймаса, Бердиев Наманганга йўл олади.
Қолаверса, "Навбаҳор" клуби ҳам Андрей Канчельскис билан учрашиб, бир қарорга келиши ҳам муҳим аҳамиятга эга. Чунки Канчельскис агар шартномасидан аввал жамоани тарк этадиган бўлса, унга клуб товон пули тўлаб бериши шартномада қайд этилган.