Енгил вазнда (61,2 кг гача) IBF йўналиши бўйича жаҳон чемпиони, америкалик Теофимо Лопес (15-0-0, 12 КО) украиналик Василий Ломаченко билан (14-1-0, 10 КО) бўлажак жанг саналарини маълум қилди.

"Мен ўз уйимда Нью-Йоркдаги "Мэдисон сквер гарден"да жанг қилмоқчиман. Бу ажойиб бўлар эди.

Биз ҳамон музокаралар олиб бораяпмиз, аммо саналар аллақачон маълум - 11 ва 18 апрель.

Жанг бўладиган жойни ва бошқа нарсаларни аниқлаштириш қолди холос, - деди Лопес.

Лопес ўзининг сўнгги жангида ганалик Ричард Комини (29-3-0, 26 КО) 2-раундда нокаутга учратди ва IBFнинг енгил вазн тоифасида янги чемпионига айланди.