Якунига етган миллий чемпионатда кумуш медалларни қўлга киритган “Локомотив” бугундан янги мавсумга тайёргарликни бошлади. “Темирйўлчилар”нинг илк машғулоти ТТЙМИ стадионида кечди. Машғулотни жамоанинг янги бош мураббийи Андрей Фёдоров олиб борди.
Қишки таътилдан қайтган футболчиларимиз биринчи кун асосан югуриш ва чигалёзди машқлар билан чекланишди.
Хабарингиз бор, “Локомотив” учун навбатдаги мавсум бирмунча эрта бошланади. "Локо" 21-январ куни Осиё чемпионлар лигаси плей-офф босқичи доирасида Тожикистон клуби “Истиқлол” билан беллашади. “Истиқлол” мағлуб этилган тақдирда “темирйўлчилар” 28-январда Саудия Арабистонининг “Ал Аҳли” клуби меҳмони боʻлади.
