Республика ихтисослаштирилган Олимпия захиралари мактаб-интернатида AQUATHLON-2019 мусобақаси ўтказилди. Триатлон спортининг турларидан бири бўлмиш ушбу йўналиш сузиш ва югуриш баҳсларини ўз ичига олади. Ташкил қилинган мусобақада иштирокчилар 800 метрга сузиш ва 1500 метрга югуриш бўйича баҳс олиб бордилар.
Мусобақа 4 ёш тоифасида (11-14, 15-17, 18-25 ва 26-32) ўтказилди. Ғолиб ва совриндорларни триатлон бўйича Ўзбекистон терма жамоаси бош мураббийи Виктор Земцев тақдирлади. Таъкидлаш жоиз, мазкур турнирни ўтказишдан мақсад олдинда турган янги мавсум учун терма жамоага номзод спортчиларни саралаб олиш ва уларнинг имкониятларини кўздан кечиришдир. Турнир давомида қуйидаги спортчилар олтин медалларни қўлга киритишди:
11-14 ёш.
Йигитлар:
Шоҳжаҳон Ёқубов
Қизлар:
Нилуфар Толибжонова
15-17 ёш.
Йигитлар:
Камрон Хўжаев
Қизлар:
Латофат Содиқова
18-25 ёш.
Йигитлар:
Александр Рашетников
Қизлар:
Екатерина Рязанова
26-32 ёш.
Эркаклар:
Шоҳруҳ Юнусов
