Бельгиялик футболчи 10 миллион фунт эвазига Лондонга йўл олиши мумкин.
Sky Sports порталининг хабарига кўра, Италиянинг «Наполи» клуби ҳужумчиси Дрис Мертенс қишда «Арсенал» клубига йўл олиши мумкин.
32 ёшли бельгиялик футболчининг “Наполи” клуби билан тузган шартномаси келаси йилнинг ёз ойларида ўз якунига етади. Шу боис, унинг трансфер нархи кескин пасайиб кетди.
«Канонирлар» Мертенсни сотиб оладиган бўлса, бу трансфер 10 миллион фунтни ташкил этади.
Хабарда айтилишича, «Боруссия», «Бавария», «Манчестер Юнайтед» ва «Интер» клублари ҳам бу футболчини ўз таркибларида кўришмоқчи.
