Belgiyalik futbolchi 10 million funt evaziga Londonga yo‘l olishi mumkin.

Sky Sports portalining xabariga ko‘ra, Italiyaning «Napoli» klubi hujumchisi Dris Mertens qishda «Arsenal» klubiga yo‘l olishi mumkin.

32 yoshli belgiyalik futbolchining “Napoli” klubi bilan tuzgan shartnomasi kelasi yilning yoz oylarida o‘z yakuniga yetadi. Shu bois, uning transfer narxi keskin pasayib ketdi.

«Kanonirlar» Mertensni sotib oladigan bo‘lsa, bu transfer 10 million funtni tashkil etadi.

Xabarda aytilishicha, «Borussiya», «Bavariya», «Manchester Yunayted» va «Inter» klublari ham bu futbolchini o‘z tarkiblarida ko‘rishmoqchi.