“Рома” жамоасидан қабул қилиб олинган йирик мағлубиятдан сўнг, “Фиорентина” клуби бош мураббийи Винченцо Монтелла истеъфога чиқарилганди. Италиялик мутахассис “Фиорентина” клубига хайрлашув хатини ёзиб қолдирди.

"Мен жуда кўп нарсаларни айтишни хоҳлагандим, лекин мен олдинга қарашни яхши кўраман. Флоренция бундан кўпроғига лойиқ. Шаҳар, мухлислар менинг юрагимнинг тубидан жой олади. Хатога йўл қўйганимни тан оламан. Мен, ёрдамчиларим ва футболчилар хато қилдик. Бироқ, нафақат биз... Мен тайёр ва иқтидорли ёшлардан иборат жамоам бўлишини хоҳлагандим.Бироқ, "бизнинг" ёшларга ва тажрибали ўйинчиларга эътибор қаратиш кўрсатмаси бўлган эди.Шу боисдан клуб раҳбарияти менинг олдимга ҳеч қандай вазифа қўймаганди. Шубҳасиз, бу мавсум "Фиорентина" учун ўтиш даври бўлди. Бундай мавсумда гўзал лаҳзалар ва қийин вазиятлар бўлади. Буларни ҳамжиҳатликда ҳал қилса бўларди. Январь ойида жамоани кучайтиришни ва рақобатдош жамоага айлантиришни кутгандим. Мавсум ярмида жамоани тарк этганимдан афсусланмайман десам ёлғон гапирган бўламан. Иккинчи даврада “Фиорентина” яхши ўйин намойиш этади, мен бунга шубҳа қилмайман. Барча ёрдамчиларимга ва футболчиларимга раҳмат айтаман. Бироз ғазабданаман, лекин менга ишонганларга ва "Фиорентина" клубини бошқаришимга имконият яратиб берганларга миннатдорчилик билдираман. Мендан кейин келадиган мураббийга омад тилаб қоламан. Клуб президенти ва барча раҳбарият аъзоларининг келажакдаги ишларига омад тилайман. Улар ажойиб инсонлар, улар "Фиорентина"ни яхши кўришади. Барча натижалар учун жавобгар бўлганим ҳақиқат. Мен чақмоқ таёқчасига айлангандим. Майли. Менинг елкаларим кенг. Бу вазиятни тўғрилай олишимга шубҳам йўқ. Олдинлари ҳам менда қийин вазиятлар бўлган ва буларнинг барчасини енгиб ўтишга муваффақ бўлганман. Раҳмат, "Фиорентина". Мен ҳар доим сенинг ёнингдаман", - Монтелланинг хайрлашув хати ўз сайтига жойламоқда “Фиорентина" клуби расмий сайти.