“Roma” jamoasidan qabul qilib olingan yirik mag‘lubiyatdan so‘ng, “Fiorentina” klubi bosh murabbiyi Vinchenso Montella iste’foga chiqarilgandi. Italiyalik mutaxassis “Fiorentina” klubiga xayrlashuv xatini yozib qoldirdi.

"Men juda ko‘p narsalarni aytishni xohlagandim, lekin men oldinga qarashni yaxshi ko‘raman. Florensiya bundan ko‘prog‘iga loyiq. Shahar, muxlislar mening yuragimning tubidan joy oladi. Xatoga yo‘l qo‘yganimni tan olaman. Men, yordamchilarim va futbolchilar xato qildik. Biroq, nafaqat biz... Men tayyor va iqtidorli yoshlardan iborat jamoam bo‘lishini xohlagandim.Biroq, "bizning" yoshlarga va tajribali o‘yinchilarga e’tibor qaratish ko‘rsatmasi bo‘lgan edi.SHu boisdan klub rahbariyati mening oldimga hech qanday vazifa qo‘ymagandi. Shubhasiz, bu mavsum "Fiorentina" uchun o‘tish davri bo‘ldi. Bunday mavsumda go‘zal lahzalar va qiyin vaziyatlar bo‘ladi. Bularni hamjihatlikda hal qilsa bo‘lardi. Yanvar oyida jamoani kuchaytirishni va raqobatdosh jamoaga aylantirishni kutgandim. Mavsum yarmida jamoani tark etganimdan afsuslanmayman desam yolg‘on gapirgan bo‘laman. Ikkinchi davrada “Fiorentina” yaxshi o‘yin namoyish etadi, men bunga shubha qilmayman. Barcha yordamchilarimga va futbolchilarimga rahmat aytaman. Biroz g‘azabdanaman, lekin menga ishonganlarga va "Fiorentina" klubini boshqarishimga imkoniyat yaratib berganlarga minnatdorchilik bildiraman. Mendan keyin keladigan murabbiyga omad tilab qolaman. Klub prezidenti va barcha rahbariyat a’zolarining kelajakdagi ishlariga omad tilayman. Ular ajoyib insonlar, ular "Fiorentina"ni yaxshi ko‘rishadi. Barcha natijalar uchun javobgar bo‘lganim haqiqat. Men chaqmoq tayoqchasiga aylangandim. Mayli. Mening yelkalarim keng. Bu vaziyatni to‘g‘rilay olishimga shubham yo‘q. Oldinlari ham menda qiyin vaziyatlar bo‘lgan va bularning barchasini yengib o‘tishga muvaffaq bo‘lganman. Rahmat, "Fiorentina". Men har doim sening yoningdaman", - Montellaning xayrlashuv xati o‘z saytiga joylamoqda “Fiorentina" klubi rasmiy sayti.