«Ювентус» яримҳимоячиси Родриго Бентанкур Италия Суперкубогида «Лацио» билан ўйиндан сўнг (1:3) 3та ўйинга четлатилди, деб хабар беради Football Italia.
Турин жамоаси ўйинчиси ушбу баҳсда икки марта сариқ карточкадан кейин майдондан четлатилганди. Бу учун у аслида бир ўйинни ўтказиб юбориши керак эди. Лекин уругвайлик футболчи майдондан чиқиб кетаётганда захира ҳакамини ҳақорат қилгани учун яна иккита баҳсни ўтказиб юборадиган бўлди.
Шу тариқа яримҳимоячи А Серия доирасида «Кальяри» (6 январь), «Рома» (12 январь) ва «Парма» (19 январь) билан ўйинларни ўтказиб юборади.
