Англия чемпионатида "Boxing Day" бошланди. Премьер-лигасининг 19-туридан ўрин дастлабки ўйинда "Тоттенхэм" ўз уйида "Брайтон"ни қабул қилиб, қийин ғалабани қўлга киритди.

Биринчи бўлимда устунлик майдон эгалари томонида бўлди. Райан Сессеньон ўйин бошида яккама-якка вазиятда дарвоза устунини нишонган олган бўлса, Харри Кейн томонидан урилган гол офсайд туфайли бекор қилинди (VAR ёрдамида). Меҳмонлар эса 37-дақиқада ҳисобни очишди. Жаримадан етказиб берилган узатмани Уэбстер бош билан дарвозага жойлаб қўйди.

Иккинчи бўлим бошида эса "шпорлар"нинг ҳужумини Харри Кейн гол билан якунлаб, ҳисобни тенглаштирди.

Ўйин тугашига 18 дақиқа қолганида эса Орьенинг узатмасидан кейин Деле Алли 12 метрлардан зарба бериб, жамоасини олдинга олиб чиқди.

Орадан 4 дақиқа ўтиб "Брайтон" ҳисобни тенглаштиришига бир бахя қолди. Аарон Муй томонидан 13 метрлардан йўлланган зарба натижасида тўп шундоққина устун ёнидан ўтиб кетди.

"Тоттенхэм" ушбу ғалаба туфайли 29тага етказиб, жадвалда 5-ўринга кўтарилиб олди.

Англия чемпионати, 19-тур
Тоттенхэм – Брайтон 2:1 (0:1, 2:0)
Голлар: 0:1 – 37 Уэбстер, 1:1 – 53 Кейн, 2:1 – 72 Алли.
Тоттенхэм – Гассанига, Орье, Алдервейрелд, Вертонген, Санчес, Алли, Лукас Моура (Дайер, 76), Сиссоко, Сессеньон (Ло Чельсо, 56), Уинкс (Эриксен, 68), Кейн.
Брайтон – Райан, Бернардо (Троссард, 76), Берн, Даффи, Скелотто (Биссума, 83), Стивенс, Муй, Альсате, Гросс, Уэбстер, Коннолли (Мопе, 68).
Огоҳлантиришлар: Берн (30), Уинкс (36), Санчес (39), Гросс (42), Лукас Моура (74), Сиссоко (84).