Англия чемпионатининг 19-тури доирасида "Арсенал" сафарда "Борнмут" клуби меҳмони бўлди. "Канонирлар"нинг янги бош мураббийи Микель Артета учун дебют ўйин муваффақиятли чиқмади.

Баҳснинг 35-дақиқасида мезбонлар уюштирган комбинацияни Дэн Гослинг самарали якунлаб, ҳисобни очди.

Иккинчи бўлим ўрталарида лондонликлар ҳисобни тенглаштиришди. Букайо Сако йўллаган зарба натижасида тўп ҳимоячига тегиб, қулай позицияда турган Обамеянгга келиб тушди. Пьер-Эмерик 5 метрдан дарвозани ишғол қилди.

Ўйин охирига қадар "Арсенал" голга тортадиган вазият ярата олмади. Аксинча, "Борнмут" рақиб дарвозасини ишғол қилган эди, аммо гол офсайд туфайли бекор қилинди.

Мазкур 1 очко туфайли "канонирлар" жадвалнинг 11-поғонасида қолди.

Англия чемпионати, 19-тур
Борнмут – Арсенал 1:1 (1:0, 0:1)
Голлар: 1:0 – 35 Гослинг, 1:1 – 63 Обамеянг.
Борнмут – Рэмсдейл, Симпсон, Кук, Мифем, Стэйси, Лерма, Фрэйзер, Кук, Гослинг (Биллинг, 70), Кинг (Уилсон, 66), Уилсон.
Арсенал – Лено, Мэйтленд-Найлз, Папастатопулос (Мустафи, 77), Давид Луиз, Озил (Уиллок, 75), Жака, Торрейра, Нелсон (Пепе, 82), Ляказетт, Обамеянг, Сака.
Огоҳлантиришлар: Лерма (53), Торрейра (54), Мэйтленд-Найлз (55), Обамеянг (64), Мифем (84), Кук (85), Ляказетт (90), Уилсон (90).