Авжига чиқаётган "совғали кунлар"да яна бир катта тўқнашув. Дерби. Лондон дербиси, бундайлари кўп биласиз, лекин титуллар ва мухлислар сони бўйича бу энг каттаси.
Айниқса, Венгер ва Моуринью бир-бирининг “ёқасидан” олган даврлар у бошқача ўтарди. Фрэнк Лэмпард ва Микель Артета ҳам қатнашган уларда. Билишади. Футболчи сифатида. Ҳаммаси учун жавобгар шахс сифатида эса бугун биринчи бор юзма-юз чиқишади. Иккала клуб янгиликка қўл урди. Мураббийлик тажрибаси бўлмаган икки собиқ футболчи рулга ўтирди.
Лэмпарднинг устунлиги - у хақиқий афсона! "Челси" тарихидаги энг зўрлардан бири. Уни раҳбарият ва мухлислар бирдек ҳурмат қилади.
Артета ўртачароқ даражада бўлган. Меҳнаткаш. Аммо унинг ҳам устун жиҳати бор. У устоз кўрди. Энг ТОП-мураббийлардан бири ёнида ўтирди ва сезганмисиз йўқми Гвардиола кўп вазиятда бориб Артетанинг гапини оларди. Плюс Пеп қизишганда фақатгина Микель бориб уни тинчлантирарди. Мен учун дерби айнан ёш коучлар жанги.
"Арсенал" - "Челси", 18:45дан FUTBOL-TVда бирга томоша қиламиз.
Даврон ФАЙЗИЕВ.