Испания чемпионатининг 19-турида "Барселона" клуби кутилмаганда очко йўқотди. Жамоа "Эспаньол" майдонига сафар уюштириб, сўнгги дақиқаларда ғалабани қўлдан чиқарди.

Басҳнинг 13-дақиқасида мезбонлар Давид Лопеснинг голи эвазига ҳисобни очишди. Иккинчи бўлим бошида эса Луис Суарес ҳисобни тенглаштирган бўлса, орадан кўп ўтмасдан унинг узатмасидан кейин Артуро Видаль "кўк-анорранглилар"ни олдинга олиб чиқди.

Ўйин тугашига 15 дақиқа қолганида эса Френки де Йонг иккинчи сариқ карточкани олиб, майдонни тарк этди. Захирадан майдонга тушган У Лэй баҳс тугашига 2 дақиқа қолганида "Барселона" дарвозасини ишғол қилиб, "Эспаньол"га бир очко келтирган гол муаллифига айланди.

Шу тариқа, "Барселона" Ла лиганинг энг қуйи поғонасида бораётган "Эспаньол" билан дуранг ўйнади. Буни дерби дейдилар. Каталонияликлар очколарини 40тага етказишди ва жадвалда пешқадамга айланишди. "Барса" ва "Реал"нинг очколари яна тенглашди.

"Эспаньол" янги бош мураббий Абелардонинг дебюти эса омадли чиқди.

Испания Ла лигаси, 19-тур
Атлетико – Леванте 2:1 (2:1, 0:0)
Голлар: 1:0 – 13 Корреа, 1:1 – 16 Рохер Марти, 2:1 – 18 Фелипе.
Атлетико – Облак, Триппьер, Фелипе, Хименес, Лоди (Витоло, 63), Корреа, Эррера, Томас, Сауль, Жоау Феликс (Валера, 87), Мората.
Леванте – Фернандес, Коке, Кабако, Постиго, Тоньо, Рочина (Эрнани, 72), Кампанья, Радоя (Вукчевич, 85), Барди, Майораль (Моралес, 46), Рохер Марти.
Огоҳлантиришлар: Томас (27), Рочина (43), Кабако (52), Вукчевич (90).
 
Эспаньол – Барселона 2:2 (1:0, 1:2)
Голлар: 1:0 – 23 Давид Лопес, 1:1 – 50 Суарес, 1:2 – 59 Видаль, 2:2 – 88 У Лэй.
Эспаньол – Диего Лопес, Хави Лопес, Налдо, Эспиноса, Дидак Вила, Виктор Гомес (Варгас, 62), Давид Лопес (Итурраспе, 67), Рока, Мелендо (У Лэй, 74), Кальери, Дардер.
Барселона – Нето, Серджи Роберто, Пике, Лангле, Альба, Ракитич (Видаль, 46), Бускетс, де Йонг, Месси, Суарес, Гризманн (Семеду, 80).
Огоҳлантиришлар: Хави Лопес (35), Рока (62), де Йонг (66).
Четлатиш: де Йонг (75).