Наманганнинг “Навбаҳор” жамоаси ихтиёрига бугун яна бир хорижлик футболчи қўшилди.

Бу нидерландиялик Нельсон Грегори Жаррелд Мартлалес бўлиб, у 1988 йил, 31 январда туғилган, амплуаси – ҳужумчи. Нельсон футболчилик фаолияти давомида Голландиянинг “АЗ” (Алкмар), “Розендал” (Розендал), Болгариянинг ЦСКА (София), “Ботев” (Пловдив), Украинанинг “Металлург” (Донецк) ва Ҳиндистоннинг “Ченнайин” (Ченнан) клубларида ўйнаган.    

Нидерландиялик ҳужумчи “лочинлар”нинг бугундан бошланган ўқув-машғулот йиғинига эртага қўшилади.

Шунингдек, эртага яна бир қатор легионерларнинг Наманганга ташрифлари кутилмоқда.

“Навбаҳор” ПФК матбуот хизмати.