Таиландда давом этаётган 23 ёшгача бўлган футболчилар ўртасида Осиё чемпионатида 2-тур ўйинлари бошланди. Бугун "А" гуруҳи жамоалари тур баҳсларини ўтказишди.
Баҳрайн ва Ироқ олимпия терма жамоалари ўртасидаги ўйинда жанговар дуранг қайд этилди — 2:2.
Таиланд эса Австралияга қарши учрашувни жуда фаол бошлаб, 24-дақиқада ҳақли равишда ҳисобни очди. Биринчи бўлим охирига келиб, "яшил қитъа" вакиллари ўйинни бироз тенглаштиришди ва танаффусга ҳисобни тенглаштирган ҳолда йўл олишди.
Иккинчи бўлимда австралияликлар бош мураббийи томонидан амалга оширилган ўзгаришлар ўз самарасини берди. Баҳс тугашига 14 дақиқа қолганида Николас Д’Агостино ўйиндаги иккинчи голини уриб, Австралияга ғалаба келтирди.
Ушбу ғалаба туфайли Австралия ўз очколарини 4тага етказиб, гуруҳ пешқадамига айланди. Улар сўнгги турда Баҳрайн билан тўқнаш келишади. 3 очко билан 2-ўринни эгаллаб турган Таиланд сўнгги турда Ироққа қарши майдонга тушади.
AFC U23. "А" гуруҳи, 2-тур
БАҲРАЙН - ИРОҚ - 2:2
Голлар: Ҳошим Исо (44), Муҳаммад Марҳун (87) — Амир ал-Аммарий (66), Муҳаммад Қосим (90)
ТАИЛАНД - АВСТРАЛИЯ - 1:2
Голлар: Анон Аморнлердсак (24) — Николас Д’Агостино (43, 76)
| № | Жамоа | Ў | Ғ | Д | М | Т - Н | О |
|---|---|---|---|---|---|---|---|
| 1 |  Австралия |
2 | 1 | 1 | 0 | 3-2 | 4 |
| 2 |  Таиланд |
2 | 1 | 0 | 1 | 6-2 | 3 |
| 3 |  Ироқ |
2 | 0 | 2 | 0 | 3-3 | 2 |
| 4 |  Баҳрайн |
2 | 0 | 1 | 1 | 2-7 | 1 |
