«Ливерпуль» клуби Англия чемпионатининг 22-тури доирасида "Тоттенхэм"га қарши бўлиб ўтган ўйинда ғалаба қозонди (1:0).

Мерсисайдликлар қайд этаётган натижалар ва рекордлар билан таништириб ўтамиз:

1. Юрген Клопп жамоаси АПЛда кетма-кет 38та ўйиндан бери мағлубиятга учрамаяпти ва бу орқали ўзининг 126 йил аввалги (1894 йил) рекордини янгилади. Ўшанда жамоа кетма-кет 37та ўйинда ютқазмаган эди.  

Мағлубиятсиз серия: 373 кун, 38та ўйин, 33та ғалаба, 5та дуранг, 90та гол, 26та ўтказиб юборилган гол.

2. Клопп бир йил давомида ютқазмаётган АПЛ тарихидаги учинчи мураббийга айланди. Аввалроқ бундай натижани Жозе Моуриньо ва Арсен Венгер қайд этишган эди. Клоппнинг ғалабалар фоизи энг юқори (87%) бўлди. Моуриньода бу кўрсаткич 82, Венгерда эса 68 фоизга тенг бўлган.

«Ливерпуль» сўнгги 38та ўйинда 104 очко жамғарди. Бу янги рекорд ҳисобланади.  «Ман Сити» 2018 йилда, «Челси» эса 2005 йилда 38та ўйинда 102 очко тўплашган.

3. Ниҳоят, энг катта рекорд. «Ливерпуль» мавсумнинг дастлабки 21та учрашувида 61 очко тўплади (20та ғалаба, бир дуранг). Бу эса Европанинг кучли бешта чемпионатлари учун рекорд натижа ҳисобланади!

Европанинг топ-5 чемпионатларидаги энг яхши стартлар: