«Liverpul» klubi Angliya chempionatining 22-turi doirasida "Tottenxem"ga qarshi bo‘lib o‘tgan o‘yinda g‘alaba qozondi (1:0).
Mersisaydliklar qayd etayotgan natijalar va rekordlar bilan tanishtirib o‘tamiz:
1. Yurgen Klopp jamoasi APLda ketma-ket 38ta o‘yindan beri mag‘lubiyatga uchramayapti va bu orqali o‘zining 126 yil avvalgi (1894 yil) rekordini yangiladi. O‘shanda jamoa ketma-ket 37ta o‘yinda yutqazmagan edi.
Mag‘lubiyatsiz seriya: 373 kun, 38ta o‘yin, 33ta g‘alaba, 5ta durang, 90ta gol, 26ta o‘tkazib yuborilgan gol.
2. Klopp bir yil davomida yutqazmayotgan APL tarixidagi uchinchi murabbiyga aylandi. Avvalroq bunday natijani Joze Mourinyo va Arsen Venger qayd etishgan edi. Kloppning g‘alabalar foizi eng yuqori (87%) bo‘ldi. Mourinyoda bu ko‘rsatkich 82, Vengerda esa 68 foizga teng bo‘lgan.
«Liverpul» so‘nggi 38ta o‘yinda 104 ochko jamg‘ardi. Bu yangi rekord hisoblanadi. «Man Siti» 2018 yilda, «Chelsi» esa 2005 yilda 38ta o‘yinda 102 ochko to‘plashgan.
3. Nihoyat, eng katta rekord. «Liverpul» mavsumning dastlabki 21ta uchrashuvida 61 ochko to‘pladi (20ta g‘alaba, bir durang). Bu esa Yevropaning kuchli beshta chempionatlari uchun rekord natija hisoblanadi!
Yevropaning top-5 chempionatlaridagi eng yaxshi startlar:
