Бироз аввал якунланган Ўзбекистон ва Хитой ОТЖ баҳсидан сўнг анъанага мувофиқ икки жамоа мураббийлари иштирокида матбуот-анжумани ташкил этилди. Матбуот анжуманиннинг иккинчи қисмида Любинко Друлович иштирок этди ва саволларга жавоб берди.
– Биз кўп вазиятларни қўлдан чиқардик. Шу сабабли биринчи гол жуда муҳим эди. Бозоров яхши ҳаракат қилди. Жамоамдан кўнглим тўлди. Хитой ҳам ёмон жамоа эмас экан.
Табрик учун раҳмат. Эрон билан ўйиндан кейин тикланишимиз муҳим эди. Биз учун шу 3 очко ҳал қилувчи аҳамият касб этарди. Футболда эмотсиялар катта рол ўйнайди. Биз уларни вақтида тия олдик. Вазифалар бажарилди. Эндиги мақсад Корея билан ўйинга тайёргарлик.
Биз пеналтиларни кўп уряпмиз, ҳаммасини ҳам уролмаяпмиз. Албатта биз ўйиндан ҳам голлар уришга имкониятиниз етади. Рақиб дарвозабон зўр ҳаракат қилди. Биз ўйинни назорат қилдик. Шу бизнинг ютуғимиз. Кейинги учрашувларни яхшироқ ўтказишга тайёрмиз.
Тўхтасинов аслида асосий таркиб футболчиси, жуда кучли. Биз унга ишонамиз. Бу сафар эса Бозоровни синаб кўрдик. У мобилликда кучли. Катта ҳажмда иш бажарди ва чарчади. Иккаласидан кўнглим тўқ. Раҳмат ҳаммага.
