Ўзбекистон олимпия терма жамоаси 15 январь куни гуруҳ босқичининг 3-тури доирасида Жанубий Кореяга қарши баҳс олиб боради. Мазкур ўйин олдидан "Football Channel Asia"нинг журналисти Каз Нагацука ўзининг тахминлари билан ўртоқлашди.

"Корея олимпия терма жамоаси мусобақада иродали ўйин намойиш қилмоқда. Балки, турнирдаги ғолиблик уларни ҳарбий хизматдан озод қилиш омили бунга сабаб бўлса керак.

Ўзбекистон U23 ҳам ажойиб жамоа. Уларнинг ўйини яхши таассурот қолдирди. Улар гуруҳда Эронни қолдирган ҳолда 2-ўринни эгаллаб туришибди.

2018 йилги Осиё чемпионатининг ярим финалидаги мағлубият учун қасос олишимиз мумкин (Ўзбекистон 4:1 ҳисобида ғалаба қозонган эди — stadion.uz изоҳи). Аммо Корея бу ўйинда кучли таркибни майдонга туширмаса керак. Бу гуруҳда 1-ўринни олиш у қадар муҳим аҳамиятга эга эмас. Чунки чорак финалда бизга тўқнаш келиши мумкин бўлган "D" гуруҳи вакиллари бир хил кучга эга.

Плей-оффга чиқиш учун Ўзбекистонга камида 1 очко керак, акс ҳолда улар мусобақани тарк этиши мумкин. Шунинг учун Ўзбекистон U23 фақат ғалабани кўзлаб майдонга тушади. Рақибнинг кучини инобатга олганда, ишонинг, Ўзбекистон ғалаба қозониши мумкин", — дея ўз фикрини билдирди журналист.