O‘zbekiston olimpiya terma jamoasi 15 yanvar kuni guruh bosqichining 3-turi doirasida Janubiy Koreyaga qarshi bahs olib boradi. Mazkur o‘yin oldidan "Football Channel Asia"ning jurnalisti Kaz Nagasuka o‘zining taxminlari bilan o‘rtoqlashdi.

"Koreya olimpiya terma jamoasi musobaqada irodali o‘yin namoyish qilmoqda. Balki, turnirdagi g‘oliblik ularni harbiy xizmatdan ozod qilish omili bunga sabab bo‘lsa kerak.

O‘zbekiston U23 ham ajoyib jamoa. Ularning o‘yini yaxshi taassurot qoldirdi. Ular guruhda Eronni qoldirgan holda 2-o‘rinni egallab turishibdi.

2018 yilgi Osiyo chempionatining yarim finalidagi mag‘lubiyat uchun qasos olishimiz mumkin (O‘zbekiston 4:1 hisobida g‘alaba qozongan edi — stadion.uz izohi). Ammo Koreya bu o‘yinda kuchli tarkibni maydonga tushirmasa kerak. Bu guruhda 1-o‘rinni olish u qadar muhim ahamiyatga ega emas. Chunki chorak finalda bizga to‘qnash kelishi mumkin bo‘lgan "D" guruhi vakillari bir xil kuchga ega.

Pley-offga chiqish uchun O‘zbekistonga kamida 1 ochko kerak, aks holda ular musobaqani tark etishi mumkin. Shuning uchun O‘zbekiston U23 faqat g‘alabani ko‘zlab maydonga tushadi. Raqibning kuchini inobatga olganda, ishoning, O‘zbekiston g‘alaba qozonishi mumkin", — deya o‘z fikrini bildirdi jurnalist.