Ўзбекистон олимпия терма жамоаси 23 ёшгача бўлган футболчилар ўртасидаги Осиё чемпионатининг чорак финалида Бирлашган Араб Амирликлари билан тўқнаш келади.

Бу жамоалар бундан икки ой аввал ўтказилган «Dubai Cup-U23» мусобақаси доирасида ўзаро баҳслашишган эди. Ўшанда мезбонлар Любинко Друлович шогирдларини 2:1 ҳисобида мағлуб этишганди.

 Зайид ал-Амирий учрашувнинг 6-дақиқасида пенальтидан ҳисобни очган бўлса, иккинчи бўлим бошида Яҳё ал-Ҳассаний фарқни иккитага оширди. Фақатгина иккинчи бўлимга қўшиб берилган дақиқаларда Ойбек Бозоров жамоамизнинг битта голига муаллифлик қилган.

Терма жамоамиз 17 ноябрь куни БААга қарши ўйинни қуйидаги таркибда ўтказган эди.

«Dubai Cup-U23», 3-тур
17 ноябрь. “Шабаб ал-Аҳли” стадиони
Ўзбекистон – БАА 1:2 (0:1)
Голлар: Ойбек Бозоров (90+1) — Зайид ал-Амирий (6-пен.), Яҳё ал-Ҳассаний (59).  
Ўзбекистон U-23: 1.Абдувоҳид Неъматов, 2.Ислом Қобилов, 4.Абдулла Абдуллаев, 6.Азиз Ғаниев, 8.Нурилло Тўхтасинов, 9.Жасур Яхшибоев, 10.Бобир Абдихолиқов, 18.Ҳусниддин Алиқулов, 19.Илҳом Алижонов, 20.Шаҳбоз Жўрабеков, 22.Достон Ибрагимов.  
Захира: 21.Машҳур Муҳаммаджонов, 3.Шароф Муҳиддинов, 5.Дилшод Саитов, 7.Остон Ўрунов, 11.Миржаҳон Мираҳмадов,  13.Шерзод Насруллаев, 14.Аброр Исмоилов, 15.Ойбек Рустамов, 16.Азиз Амонов, 17.Ислом Рашидхонов, 23.Ойбек Бозоров, 31.Иброҳим Йўлдошев