O‘zbekiston olimpiya terma jamoasi 23 yoshgacha bo‘lgan futbolchilar o‘rtasidagi Osiyo chempionatining chorak finalida Birlashgan Arab Amirliklari bilan to‘qnash keladi.

Bu jamoalar bundan ikki oy avval o‘tkazilgan «Dubai Cup-U23» musobaqasi doirasida o‘zaro bahslashishgan edi. O‘shanda mezbonlar Lyubinko Drulovich shogirdlarini 2:1 hisobida mag‘lub etishgandi.

 Zayid al-Amiriy uchrashuvning 6-daqiqasida penaltidan hisobni ochgan bo‘lsa, ikkinchi bo‘lim boshida Yahyo al-Hassaniy farqni ikkitaga oshirdi. Faqatgina ikkinchi bo‘limga qo‘shib berilgan daqiqalarda Oybek Bozorov jamoamizning bitta goliga mualliflik qilgan.

Terma jamoamiz 17 noyabr kuni BAAga qarshi o‘yinni quyidagi tarkibda o‘tkazgan edi.

«Dubai Cup-U23», 3-tur
17 noyabr. “Shabab al-Ahli” stadioni
O‘zbekiston – BAA 1:2 (0:1)
Gollar: Oybek Bozorov (90+1) — Zayid al-Amiriy (6-pen.), Yahyo al-Hassaniy (59).  
O‘zbekiston U-23: 1.Abduvohid Ne’matov, 2.Islom Qobilov, 4.Abdulla Abdullayev, 6.Aziz G‘aniyev, 8.Nurillo To‘xtasinov, 9.Jasur Yaxshiboyev, 10.Bobir Abdixoliqov, 18.Husniddin Aliqulov, 19.Ilhom Alijonov, 20.SHahboz Jo‘rabekov, 22.Doston Ibragimov.  
Zaxira: 21.Mashhur Muhammadjonov, 3.SHarof Muhiddinov, 5.Dilshod Saitov, 7.Oston O‘runov, 11.Mirjahon Mirahmadov,  13.SHerzod Nasrullayev, 14.Abror Ismoilov, 15.Oybek Rustamov, 16.Aziz Amonov, 17.Islom Rashidxonov, 23.Oybek Bozorov, 31.Ibrohim Yo‘ldoshev