Ушбу рукнимизга оид энг сўнгги янгиликлар билан таништиришда давом этамиз.
“Астон Вилла”га ҳужумчи керак
Ангилиянинг “Астон Вилла” жамоаси қишки трансфер ойнаси чоғида ўзининг асосий нишони ким бўлишини аниқлаб олди. Бу ҳақида “The Sun”нашри хабар бермоқда.
Манба берган маълумотларга қараганда, “Астон Вилла”нинг радарига Белгиянинг “Генк”клуби ҳужумчиси МбванаСаматта тушиб қолган.
Танзаниялик футболчи учун “Астон Вилла” 10 миллион евродан воз кечишга тайёр.
Eсалтиб ўтамиз, ингилизлар 27 ёшлик футболчини жароҳат олган Уэсли Мораеснинг ўрнини тўлдиришидан умидвор бўлишмоқда.
“Барселона”га япониялик футболчи керак
“MundoDeportivo” нашри берган маълумотга кўра, “Барселона” япониялик ёш иқтидор эгаси Дзюно Нишикава билан жиддий қиизиқб қолган.
Манбанинг маълум қилишича, 17 ёшли футболчини католонияликлар анчадан бери кузатиб келишмоқда. Футболчи айни дамда Япониянинг “Сереко Осака” жамоаси шарафини ҳимоя қилмоқда. Ёш бўлишига қарамай, жамоанинг асосий таркибида дебют қилишга муваффақ бўлган футболчининг ҳисобида ҳозирча гол мавжуд эмас.
“Барселона” ярим ҳимоячини келаси йили у 18 ёшга тўлганда ўз таркибига қўшиб олишни режалаштирмоқда.
“Юве” футболчиси АПЛга ўтиши мумкин
Туриннинг “Ювентус” клуби ярим ҳимоячиси Федерико Бернардески ўз фаолиятини туманли албионда давом эттириши мумкин”,-деб хабар бермоқда Италиянинг “Calciomercato” нашри.
Манбанинг маълум қилишича, Бернардескининг ҳизматлари билан АПЛнинг “Манчестер Юнайтед” ва “Челси” жамоалари жиддий қизиқиш билдирмоқда. “Аристократлар” Федерикони жамоани тарк этиши кутилаётган Виллианнинг ўрнини эгаллашини таҳмин қилишаётган бўлса, Сулшер қанотлардаги футболчиларнга кўпроқ дам олиш имкониятини яратиб бермоқчи.
Eслатиб ўтамиз, италиялик футболчи ушбу мавсумда 14 та ўйинда иштирок этди ва бирорта гол киритишга муваффақ бўлмади.
“Беназир”га “Сити” футболчиси керак
Лондоннинг “Тоттенҳем” клуби қишки трансфер ойнаси чоғида “Манчестер Сити” ҳимоячиси Жоа Конселуни ўз сафига қўшиб олишни режалаштирмоқда. Ушбу трансферни шахсан Жозе Моуринонинг ўзи клуб раҳбарларидан талаб қилмоқда.
“ElDesmaruquea” нашри берган хабарларга кўра, португалиялик мураббий аллақачон Жоау билан телефон орқали суҳбатлашишга улгурган.
Нашр берган маълумотларга суянадиган бўлсак, қанот ҳимоячиснинг ўзи ҳам тезроқ жамоасни ўзгартиришга қарши эмас. Сабаби, у айни дамда етарлича ўйин амалиётига эга бўлмаяпти.
Eслатиб ўтамиз, “шахарликлар” Конселуни ўтган ёзда 60 миллион евро эвазига сотиб олишган эди.
Бруно Фернандешнинг қанча маош олиши аниқ
Португалиянинг “Спортинг” клуби ярим ҳимоячиси Бруно Фернандеш бир оёғи билан “Манчестер Юнайтед”га ўтиб бўлганидан хабарингиз бор. Айни дамда томонлар футболчининг трансфер қиймати борасида музокаралар ўтказишмоқда.
Футболчининг ўзи эса, “қизил иблислар” билан шахсий шартнома борасида келишувга эришиб бўлди. Бу ҳақида “Daily Mail” нашри хабар бермоқда.
Унга кўра, португалиялик футболчининг ҳафталик маоши 130 минг еврони ташкил этади.
Манбанинг маълум қилишича, катта эҳтимол билан манчестерликлар футболчи учун 60 миллион евро тўлашади. Бу сумманинг 10 миллиони турли бонуслар тариқасида берилиши таҳмин қилинмоқда.
