Тошкентнинг «Пахтакор» клуби Швейцария терма жамоаси собиқ ҳужумчиси Эрен Дердийокни ўз сафига қўшиб олди.
Норасмий манбаларга кўра, 31 ёшли швейцариялик ҳужумчи Тошкент клуби сафида йилига 2-2,5 миллион евро атрофида маош олади.
Маълумот учун, Эрен Дердийок 2014-2015 йилларда Шота Арвеладзе бошқарувидаги "Қосимпошшо" клуби сафида тўп сурган. Футболчи жорий мавсум Туркия Суперлигасининг 5та учрашувида иштирок этиб, рақиблар дарвозасини бирор марта ҳам ишғол қила олмаган.
Эслатиб ўтамиз, 31 ёшли Дердийок бунгача "Олд Бойз", "Базель", "Байер", "Хоффенҳайм" клубларида ҳам тўп сурган.
