“Манкунианлар” жорий мавсумда “Ливерпуль”дан очко тортиб олган биринчи жамоага айланганди.
Англиянинг “Ливерпуль” клуби ҳужумчиси Муҳаммад Салоҳ АПЛнинг 23-тур доирасида “Манчестер Юнайтед” клубига қарши бўлиб ўтадиган учрашувдан олдинги фикрлари билан ўртоқлашди.
Журналистлар мисрлик футболчига “МЮ” “Ливерпуль”дан жорий мавсумда очко олган биринчи жамоа эканлигини эслатишди ва Салоҳдан қуйидаги жавобни олишди: "Тўғри, чунки мен ўшанда жароҳат олган эдим".
"Жиддий айтадиган бўлсам, улар бизга қарши яхши ўйин намойиш этишди. Ўшанда ғалаба қозониш учун имкониятга эга бўлгандик. Лекин, ҳозир олдимизда турган ўйин ҳақида ўйлаяпмиз ва ғалаба қозонишни кўзлаяпмиз", - Салоҳнинг сўзларидан иқтибос келтирмоқда TV 2 Sporten телеканали.
Эслатиб ўтамиз, “Ливерпуль” – “Манчестер Юнайтед” жамоалари ўртасидаги учрашув 19 январь куни соат 20:30да бўлиб ўтади.
