Кеча футбол бўйича Ўзбекистон ОТЖ Осиё чемпионати чорак финал доирасидан ўрин олган баҳсда БАА термасини йирик ҳисобда мағлуб этганидан хабарингиз бор.

Ҳеч шубҳа йўқки, бу ғалаба учун йигитларимиз жуда катта жисмоний куч сарфлашди. Бугун кун давомида футболчиларимиз тикланиш жараёнини ўтказишди: тренажёр залида машқлар, очиқ ҳаводаги енгил машғулот, бассейн ва массаж. Шунингдек, жамоамиз шифокорлари учрашувда енгил жароҳат олган йигитларимизни Саудия Арабистонига қарши кечадиган ўйинга 100 фоиз тайёрлаш йўлида катта меҳнат қилишмоқда.