Kecha futbol bo‘yicha O‘zbekiston OTJ Osiyo chempionati chorak final doirasidan o‘rin olgan bahsda BAA termasini yirik hisobda mag‘lub etganidan xabaringiz bor.

Hech shubha yo‘qki, bu g‘alaba uchun yigitlarimiz juda katta jismoniy kuch sarflashdi. Bugun kun davomida futbolchilarimiz tiklanish jarayonini o‘tkazishdi: trenajyor zalida mashqlar, ochiq havodagi yengil mashg‘ulot, basseyn va massaj. Shuningdek, jamoamiz shifokorlari uchrashuvda yengil jarohat olgan yigitlarimizni Saudiya Arabistoniga qarshi kechadigan o‘yinga 100 foiz tayyorlash yo‘lida katta mehnat qilishmoqda.