Марҳум футболчи Эмилиано Саланинг онаси - Мерседес Таффарель ўғли вафотининг бир йиллиги муносабати билан хотиралари билан ўртоқлашди.
Сала 2019 йил 21 январда хусусий самолётида Уэльсга йўлга чиққан эди , аммо самалёт белгиланган манзилга етиб бормади - унинг самолёти Ла-Манш канали бўйлаб учаётганда қулаб тушди. 3-феврал куни қутқарувчилар каналнинг остки қисмидан жасадни топдилар, кейинчалик бу Саланинг жасади эканлиги аниқланди.
Уч ой ўтгач, Эмилиано Саланинг отаси Орасио юрак хуружидан вафот этди.
- Сала 15 ёшида, бизнинг эски уйимиздаги ошхонада ўтирар ва менга: "Ойижон, мен футболчи бўлишни хоҳлайман деган эди. У шунчалик орзуси амалга ошишини хохлаган эдики, унга бошқа жамоага кўчиб ўтишга тўғри келди. Ўғлим ҳамма нарсага эришишига тўлиқ ишонган эди ва у буни амалга оширди, у футболни севар эди ва фожиа олдидан у Премьер-лигада ўйнаш имкониятидан жуда хурсанд эди.
- Мухлислар уни таниб қолганида, ҳар сафар хижолат тортар эди, лекин ҳар доим тўхтаб, имзолар қўяр ва мухлислар билан селфилар тушар эди. Бугун менга ўғлимнинг фотосуратларини юборишда давом этаётган барча мухлисларга миннатдорчилик билдирмоқчиман. Юборилаётган расмларнинг кўпларини мен илгари ҳеч кўрмаганман. Менга Франция, Англия ва Аргентинадан кўплаб хабарномалар келади.
- Афсуски, мен тинчландим деб айта олмайман. Мен ҳали ҳам жуда хавотирдаман. Мен деярли ўлганман. Бу даҳшатли, даҳшатли йил эди. Мен Эмилианони жуда яхши кўрардим, унга буни ҳар куни айтардим.
- Ўғлимнинг сўнгги бор эрталабки соат олтидан қўнғироқ қилганига бир йил ўтди, аммо худди кечагидай туюлмоқда. Оғриқ пасаймайди, у ҳеч қачон йўқолмайди, - дея Мерседеснинг сўзларини келтиради BBC нашри.
