Marhum futbolchi Emiliano Salaning onasi - Mersedes Taffarel o‘g‘li vafotining bir yilligi munosabati bilan xotiralari bilan o‘rtoqlashdi.
Sala 2019 yil 21 yanvarda xususiy samolyotida Uelsga yo‘lga chiqqan edi , ammo samalyot belgilangan manzilga yetib bormadi - uning samolyoti La-Mansh kanali bo‘ylab uchayotganda qulab tushdi. 3-fevral kuni qutqaruvchilar kanalning ostki qismidan jasadni topdilar, keyinchalik bu Salaning jasadi ekanligi aniqlandi.
Uch oy o‘tgach, Emiliano Salaning otasi Orasio yurak xurujidan vafot etdi.
- Sala 15 yoshida, bizning eski uyimizdagi oshxonada o‘tirar va menga: "Oyijon, men futbolchi bo‘lishni xohlayman degan edi. U shunchalik orzusi amalga oshishini xoxlagan ediki, unga boshqa jamoaga ko‘chib o‘tishga to‘g‘ri keldi. O‘g‘lim hamma narsaga erishishiga to‘liq ishongan edi va u buni amalga oshirdi, u futbolni sevar edi va fojia oldidan u Premyer-ligada o‘ynash imkoniyatidan juda xursand edi.
- Muxlislar uni tanib qolganida, har safar xijolat tortar edi, lekin har doim to‘xtab, imzolar qo‘yar va muxlislar bilan selfilar tushar edi. Bugun menga o‘g‘limning fotosuratlarini yuborishda davom etayotgan barcha muxlislarga minnatdorchilik bildirmoqchiman. Yuborilayotgan rasmlarning ko‘plarini men ilgari hech ko‘rmaganman. Menga Fransiya, Angliya va Argentinadan ko‘plab xabarnomalar keladi.
- Afsuski, men tinchlandim deb ayta olmayman. Men hali ham juda xavotirdaman. Men deyarli o‘lganman. Bu dahshatli, dahshatli yil edi. Men Emilianoni juda yaxshi ko‘rardim, unga buni har kuni aytardim.
- O‘g‘limning so‘nggi bor ertalabki soat oltidan qo‘ng‘iroq qilganiga bir yil o‘tdi, ammo xuddi kechagiday tuyulmoqda. Og‘riq pasaymaydi, u hech qachon yo‘qolmaydi, - deya Mersedesning so‘zlarini keltiradi BBC nashri.
