Тошкентнинг “Бунёдкор” клуби Осиё чемпионлар лигаси саралаш босқичидан ўрин олган баҳсда Ироқнинг “Аз Завра” жамоасии 4:1 ҳисобида таслим этди. Учрашувдан кейинги матбуот анжуманининг иккинчи қисмида “қалдирғочлар” Вадим Абрамов иштирок этди.
– Ҳаммаларингни табриклайман! Шундай ноқулай об-ҳавода бизга ёрдам берган барчага раҳмат дейман! Учрашув қийин кечди. Кеча рақиб бош мураббийининг айтган гаплари нотўғри эканлигини айтгандим. Биз бугун жиддий рақибга қарши майдонга чиқдик. Гуруҳ босқичи учун бир қадам ташладик.
– Нурмурадовнинг жароҳати жиддийми?
– Нурмурадовнинг жароҳати ҳақида эртага аниқ фикр билдира оламиз.
– Даврлар оралиғида бир нечта футболчилар билан шартнома имзоланди. Уларнинг бугунги ўйинларидан қониқиш ҳосил қилдизми?
– Янги ўйинчиларнинг ҳаракатларидан қониқдим. Чунки бу биринчи учрашув. Январь ойида, бундай иқлимда тўп суриш осон эмас. Ўйлашимча, янги футболчилар бугун борлигини кўрсата олишди.
Ғулом-Ҳайдар Ғуломовга келадиган бўлсак, у қайси чизиқда фойда келтирса, ўша чизиқда ундан фойдаланамиз.
Анъанани давом эттиришни, гуруҳ босқичига чиқишга умид қиламиз. "Ал Айн" бошқа рақиб, бошқа майдон. Ўйлайманки, анъанани сақлаб қоламиз.
