Toshkentning “Bunyodkor” klubi Osiyo chempionlar ligasi saralash bosqichidan o‘rin olgan bahsda Iroqning “Az Zavra” jamoasii 4:1 hisobida taslim etdi. Uchrashuvdan keyingi matbuot anjumanining ikkinchi qismida “qaldirg‘ochlar” Vadim Abramov ishtirok etdi.

– Hammalaringni tabriklayman! Shunday noqulay ob-havoda bizga yordam bergan barchaga rahmat deyman! Uchrashuv qiyin kechdi. Kecha raqib bosh murabbiyining aytgan gaplari noto‘g‘ri ekanligini aytgandim. Biz bugun jiddiy raqibga qarshi maydonga chiqdik. Guruh bosqichi uchun bir qadam tashladik.

– Nurmuradovning jarohati jiddiymi?

– Nurmuradovning jarohati haqida ertaga aniq fikr bildira olamiz.

– Davrlar oralig‘ida bir nechta futbolchilar bilan shartnoma imzolandi. Ularning bugungi o‘yinlaridan qoniqish hosil qildizmi?

– Yangi o‘yinchilarning harakatlaridan qoniqdim. Chunki bu birinchi uchrashuv. Yanvar oyida, bunday iqlimda to‘p surish oson emas. O‘ylashimcha, yangi futbolchilar bugun borligini ko‘rsata olishdi.

G‘ulom-Haydar G‘ulomovga keladigan bo‘lsak, u qaysi chiziqda foyda keltirsa, o‘sha chiziqda undan foydalanamiz.

An’anani davom ettirishni, guruh bosqichiga chiqishga umid qilamiz. "Al Ayn" boshqa raqib, boshqa maydon. O‘ylaymanki, an’anani saqlab qolamiz.