Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив
30/03 01:00 Лилль - Ланс
30/03 01:00 Кадис - Гранада
30/03 16:30 Наполи - Аталанта
30/03 17:30 Ньюкасл - Вест Хэм
30/03 18:00 Хетафе - Севилья
30/03 19:00 Женоа - Фрозиноне
30/03 19:00 Торино - Монца
30/03 19:00 Андижон - Насаф
30/03 19:00 Пахтакор - Сўғдиёна
30/03 20:00 Ноттингем Форест - Кристал Пэлас
30/03 20:00 Шеффилд Юнайтед - Фулхэм
30/03 20:00 Тоттенхэм - Лутон
30/03 20:00 Борнмут - Эвертон
30/03 20:00 Челси - Бёрнли
30/03 20:15 Альмерия - Осасуна
30/03 21:00 Метц - Монако
30/03 22:00 Лацио - Ювентус
30/03 22:30 Астон Вилла - Вулверхэмптон
30/03 22:30 Валенсия - Мальорка

Тактикани билмасанг, Токиода нима бор?

Баҳо:
+1 | -

Бир танишим бор. Тошкент-Қашқадарё йўналиши бўйича кира қилади. Машинасида ҳар доим захира баллони бўлади. Чунки ишлатаётган баллони бир сафар ярамай қолган, бахтсизликка учрагач, захирадаги баллонини доим шай ҳолатда олиб юрадиган бўлди. Натижада эса машинаси кейин тўхтаб қолгани йўқ, кўзлаган маррасига бориб-келиб юрибди. Друлович эса емирилиб қолган баллонни захирасига алмаштиришга, ўз ўрнида захира баллонни жангга тайёрлашга интилмади.

Олимпия терма жамоамиз мусобақа захира “баллонлари” билан отлангани бор гап. Чунки бусиз иложи йўқ эди. Мусобақа давомида футболчилар чарчашди ҳам, кимнингдир ёки кимларнингдир ўйини ўхшамади, аммо Друлович негадир захирадан фойдаланишни билмади.

Европа футболида бир тактика бор. Мураббий жамоа ишончли ҳисобда ғалаба қозонаётган бир пайтда асосий ҳужумчининг ўрнига захирадан иккинчи ҳужумчини майдонга туширади ва ўйнаш имконини беради. Чунки захирадаги ҳужумчи ҳам майдонга мослашиб, тажриба тўплаши керак. Сабаби, асосий ҳужумчи жароҳат олган бир пайтда иккинчи ҳужумчи ўрнини эгаллаши керак бўлади. Ана шунда нариги ҳужумчи тўплаган тажриба қўл келади.

Друловичнинг ана шу нарсага “ақли етмади”. Асосий ҳужумчи – Бобур Абдухолиқов. Аммо у робот эмаски, жароҳат олмаса, бехато ҳаракат қилаверса ва ҳоказо. Агар Друлович Бобур билан бирга Мираҳмадовга ҳам кўпроқ имконият берганида, бугун Мираҳмадов довдирамасмиди, яхшироқ ҳаракат қилармиди?

Бутун турнир давомида Друловичнинг тактика борасида, ўйинни уқиш борасида оқсоқлиги сезилиб қолди. Футболчиларни тактик жиҳатдан тайёрлаш, футболчиларнинг жисмоний ҳолатини яхшилаш борасида мураббий штабининг ҳам ожизлиги сезилди. Бутун мусобақа давомида керак пайтда зарба йўллашни ўргана олмадик, керак пайтда тўпдан қутулиш кераклигини ўргана олмадик, бутун мусобақа давомида совуққонликни ўргана олмадик.

Бугун биз Австралиядан ўйин борасида устунлик қилгандирмиз, аммо бу рақибнинг тактикаси туфайли юз бергани бор гап. Австралия мураббийи бугунги ўйинга ана шундай тактика тайёрлаганди.

Футболчиларда иқтидор бор, аммо уларни тарбиялайдиган, уларга керакли кўрсатмаларни бера оладиган мураббий етишмаяпти. Қаранг, машғулотлар пайтида камчиликлар устида ишланиши керак, битта ўйиндаги хатолар тўғриланиб, иккинчи ўйинда ўша хато қилинмаслиги лозим. Ана шунда машғулотлар самарали ўтказилгани маълум бўлади. Бизда эса бу ҳолат тўлиқ акс этавермади.

Бугунги ўйинда Друловичнинг таркиб танлашда хатога йўл қўйгани ҳам панд берди. Энг нотўғри қарор ўтган ўйинда ҳаракатлари қовушмаган Бобур Абдухолиқовни яна асосий таркибда майдонга туширгани бўлди. Тўғри, бу сафар асосий ҳужумчи эмас, қанот футболчиси сифатида туширди, аммо нима фарқи бор, ярамай қолган ғиштни уйнинг қайси қисмига қўйманг, барибир, ярамайди.

Футболчиларимизда кераксиз хатти-ҳаракатлар кўп. Масалан, Бобур Абдухолиқов қулай вазиятга чиққанида зарба бериш ўрнига ҳимоячиларни алдашга тушди, ўйин охирида Яхшибоев жарима зарбасини амалга ошираётганда тўпни футболчиларга етказиш ўрнига кераксиз, мантиқсиз зарба йўллади. Умуман, бутун ўйин давомида футболчиларимизда кераксиз ҳаракатлар етарлича кузатилди. Айтмоқчиманки, Друловичнинг вазифаси ана шу камчиликларни ҳам тўғрилаш. Машғулот пайтида футболчиларга “Сен мана бундай вазиятда мана бундай қил”, “Сен теп”, “Сен узат” каби кўрсатмаларни тўғри шаклда бера олиш.

Алам қиладигани, таркибда 11 та кучли футболчи бор, яъни мураббий бемалол таркибдан 11 та талабга жавоб берадиган футболчи топса бўлади. Аммо Друлович ана шу масалада оқсади.

Афсус, ютқаздик. 

Низомжон ИСЛОМОВ

Манба: stadion.uz
Киритилди: 19:30, 25.01.2020.
Ўқилди: 11249 марта.
Фикрлар: 23 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.