«Аталанта» клуби 2та ўйиндан иборат муваффиятсиз серияга чек қўйди. Жамоа сафарда «Торино» клуби меҳмони бўлиб, ўта йирик ҳисобда ғалаба қозонди.

76-дақиқада туринликлар аъзоси Иццо майдондан четлатилди. Бунгача эса бергамоликлар рақиб дарвозасига 5та тўп киритиб бўлишган эди. Четлатишдан кейин улар яна 2та гол уришга муваффақ бўлишди.

Ўйин тугашига 1 дақиқа қолганида "Торино"нинг яна бир футболчисига қизил карточка кўрсатилди.  Меҳмонлар шундан кейин бошқа гол уришмади ва 7та тўп билан чекланишди.

Йосип Иличич "хет-трик"ни расмийлаштирган бўлса,  Луис Муриэль "дубл"га эришди.

Ушбу ғалабадан кейин «Аталанта» ўз очколарини 38тага етказиб, вақтинчалик бўлса-да 4-ўринга кўтарилиб олди.

Италия А серияси, 21-тур
Торино – Аталанта 0:7 (0:3, 0:4)
Голлар: 0:1 – 17 Иличич, 0:2 – 29 Госенс, 0:3 – 45, пенальти Сапата, 0:4 – 53 Иличич, 0:5 – 54 Иличич, 0:6 – 86, пенальти Муриэль, 0:7 – 88 Муриэль.
Торино – Сиригу, де Сильвестри, Нкулу, Иццо, Лаксальт (Миллико, 65), Беренгер (Войнович, 78), Лукич, Верди (Эдера, 79), Мейте, Джиджи, Белотти.
Аталанта – Голлини, Госенс (Муриэль, 82), Гимшити, Паломино, Хатебур, Иличич (Малиновский, 71), Фройлер, Гомес, де Рон (Пашалич, 57), Толои, Сапата.
Огоҳлантиришлар: де Рон (38), Иццо (44), Хатебур (89), Сиригу (89).
Четлатишлар: Иццо (76), Лукич (89).