«Манчестер Юнайтед» бош мураббийи Оле-Гуннар Сульшер Англия лига кубоги ярим финал босқичи доирасида «Манчестер Сити»га қарши бўлиб ўтган ўйин борасида ўз фикрлари билан ўртоқлашди.

«Мен ўз ўйинчиларим билан фахрланман, улар ушбу мавсумда «Ман Сити» майдонида икки марта ғалаба қозонишди. Улар бугун бор кучларини беришди.

Биз яққол голли вазиятларни кўп яратмаган бўлсак-да, рақибга нисбатан яхши прессинг қилдик. Бу менга ёқди.

Албатта, бу стадионда гол уриш қийин. Бир киши кам бўлиб ўйнаган пайтдаку гапирмаса ҳам бўлади.

Матичнинг четлатилиши? Бу ҳеч қандай четлатиш эмас. Шунчаки кулгили. Улар бизга нисбатан неча марта фол ишлатишди?» – деди мураббий.