Бразилиялик собиқ ҳимоячи Лусионинг фикрича, 2012 йили унинг “Ювентус” клубига ўтиши хато бўлган экан.

«Ўшанда мен жуда қийин вазиятга тушиб қолгандим. «Интер» клуби билан хайрлашишни хоҳламагандим. Аммо, “Интер” клубига келган янги бош мураббий барча нарсаларни чалкаштириб юборганди. Мен жуда катта босим остида қолгандим. Таътилдан қайтганимдан кейин “Интер” клуби спорт диреткори телефон орқали бошқа жамоа излашим кераклигини айтди.Ваҳоланки, «Сан Сиро» билан хайрлашишга хоҳишим йўқ эди.

Шундан сўнг, менинг агентим «Ювентус» клуби раҳбарияти билан музокара олиб борди. Трансфер ойнаси ёпилишига икки кун вақт қолганди, ихтиёримда жуда кам вақт бор эди, шу сабабли, «Ювентус» клубига ўтишига рози бўлгандим. Орадан ярим йил ўтгач, ушбу қарорим хато бўлганлигини билгандим», — деди Лусио.