Braziliyalik sobiq himoyachi Lusioning fikricha, 2012 yili uning “Yuventus” klubiga o‘tishi xato bo‘lgan ekan.
«O‘shanda men juda qiyin vaziyatga tushib qolgandim. «Inter» klubi bilan xayrlashishni xohlamagandim. Ammo, “Inter” klubiga kelgan yangi bosh murabbiy barcha narsalarni chalkashtirib yuborgandi. Men juda katta bosim ostida qolgandim. Ta’tildan qaytganimdan keyin “Inter” klubi sport diretkori telefon orqali boshqa jamoa izlashim kerakligini aytdi.Vaholanki, «San Siro» bilan xayrlashishga xohishim yo‘q edi.
Shundan so‘ng, mening agentim «Yuventus» klubi rahbariyati bilan muzokara olib bordi. Transfer oynasi yopilishiga ikki kun vaqt qolgandi, ixtiyorimda juda kam vaqt bor edi, shu sababli, «Yuventus» klubiga o‘tishiga rozi bo‘lgandim. Oradan yarim yil o‘tgach, ushbu qarorim xato bo‘lganligini bilgandim», — dedi Lusio.
