Италия А Сериясининг 22-турида Римнинг “Рома” клуби «Сассуоло» (2:4) клубига имкониятни бой берди.
Ушбу учрашувда “Рома” клуби ҳужумчиси Эдин Жеко битта гол киритди. Босниялик футболчининг бу голи “Рома” таркибидаги барча турнирларда киритган 100-голи бўлди.
Аввалроқ “Рома” таркибида Винченце Монтелле (102 гол), Педро Манфредини (104), Родольфо Волку (106), Амадео Амадеи (111), Роберто Пруццо (138) ва Франческо Тотти (307)лар юзлик довондан ўтишган эди.
33 ёшли Жеко «Рома» таркибига 2015 йилнинг август ойида Англиянинг «Манчестер Сити» клубидан ўтган.













