«Барселона» сардори Лионель Месси клуб спорт директори Эрик Абидаль билан бўлиб ўтган можарога қарамай, жамоани тарк этмоқчи эмас. Бу ҳақда "Sky Sports" нашри хабар тарқатди.
Манбага кўра, аргентиналик футболчи камида 2021 йилнинг ёзига қадар тузилган шартномасининг охиригача клубда ўйнамоқчи. Боз устига, 32 ёшли футболчи жамоа раҳбарияти билан янги шартномани муҳокама қилишга тайёр.
Месси ушбу мавсумда барча мусобақалар доирасида 25та ўйинда майдонга тушиб, 19та гол урди ва 12та голга узатма берди.