Испания Ла лигасининг 23-туридан ўрин олган марказий ўйин бўлиб ўтди. Жадвалнинг 4 ва 5-поғоналари эгаллаб турган «Хетафе» ва «Валенсия» жамоалари Мадридда тўқнаш келишди.

Мезбонлар номдор рақибга нисбатан тажовузкор ва ҳужумкор ўйин намойиш қилишди. "Хетафе" ўйин давомида кўплаб хавфли вазиятларни яратди. Улар фақатгина иккинчи бўлимга келиб вазиятларни голга айлантира бошлашди.

Хорхе Молина иккинчи бўлимда 9 дақиқа оралиғида рақиб дарвозасини икки марта ишғол қилган бўлса, ўйин тугашига 3 дақиқа қолганида Мата қарши ҳужумни самарали якунлаб, ҳисобни йирик кўринишга келтириб қўйди.

Қишки трансфер пайтида "Рома"дан ижарага олинган  Алессандро Флоренци 78-дақиқада қўпол ҳаракати учун майдондан четлатилган эди.

"Хетафе" ушбу ғалабадан кейин 42 очко билан жадвалда 3-ўринга кўтарилиб олди.

Испания Ла лигаси, 23-тур
Хетафе – Валенсия 3:0 (0:0, 3:0)
Голлар: 1:0 – 58 Молина, 2:0 – 67 Молина, 3:0 – 87 Мата.
Хетафе – Сория, Ньом (Кенеди, 61), Эчейта, Оливера, Кукурелья, Арамбарри, Максимович (Тимор, 89), Джене, Суарес, Мата, Молина (Анхель Родригес, 80).
Валенсия – Доменек, Флоренци, Габриэл Паулиста, Гайя, Диакаби, Парехо, Кондогбиа, Ферран Торрес, Солер (Ли Кан Ин, 70), Родриго (Гедеш, 59), Макси Гомес (Собрино, 89).
Огоҳлантиришлар: Ньом (24), Ферран Торрес (63), Габриэл Паулиста (64), Суарес (64), Макси Гомес (65), Диакаби (71), Арамбарри (75), Эчейта (90).
Четлатиш: Флоренци (78).